Bryllupsreise står for tur! 

Endeleg er det klart for vår store bryllupsreise, til det fjerne austen! Du kan tru vi gledar oss til vi skal reise på tysdag!
Vi skal vere vekke i tre heile veker, og innom Kuala Lumpur, Tioman, Borneo, Singapore, og ein liten tur innom Qatar!

Vi kjem sjølvsagt tilbake med oppdatering med bilder, konkurannsar og film når vi er vel av garde!

Medikamentrekning og den slags..

Då eg skulle starte på sjukepleie var det to ting eg grua meg til vi skulle lære. 

Det eine var alle ting som hadde med kanyler å gjere. Eg har vore, og er fortsatt redd for å verte stukken, men å stikke sjølv er berre kjekt! 

Den andre tingen eg har vore nervøs for er den berykta medikamentrekningseksamenen! Med 40% som stryk og krav om at alt må vere rett har denne eksamenen hengt som ei stor bekymring på mange sjukepleiarsprirar sine skuldre. Ikkje minst mine...

 Men det har vist seg at det ikkje er så bekymringsverdig alikavel! Brukar ein sunn fornuft, god tid og mykje tid på øving, går det stort sett som ein draum! 

God helg alle mann!

Påskeidyll

Vi skriv i dag 2.påskedag 2012, og vi har hatt ei flott påske heime på Sunnmøre. Første del av påska var vi hjå Hagens og kosa oss, tysdag reiste heile familien Grimstad innpå hytta på vatne, der var vi fram til påskeaften. Vi har hatt ei flott og innhaldsrik påske, der vi har fått vore mykje med familiane, stått på ski, og til og med fått vorte tante og onkel for 5. gong! Mari og Tore fekk ei nydeleg lita jente, mandag i påskeveka!

I morgon takkar vi for denne gong, og gledar oss til ein koseleg vår i Bergen med studier og vennar!

                                                       Nokre glimt frå den siste tida

Vakre Bergen, med utsikt mot Ulriken

2 helger før palmehelga reiste vi heim til Larsnes på overraskelsebesøk! Jubelen sto i taket! 

Våren er komen til Bergen, og vi nyr ein deilig middag ute, saman med vår gode venninde Rebekka!

Festlig å gå rundt med slør og tiara

Stolt tante til vesle Håvard som nyt påskesola på hytta

Vakre Larsnes! 

Herr og fru Grimstad Hagen i solveggen på hytta

Det vårast!

Det har faktisk gått nøyaktig 4 månadar sidan sist oppdatering frå familien Grimstad Hagen, og mykje spennande har skjedd sidan den gong.
Vi har mellom anna feira jul saman for første gong. Julekvelden feira vi på Larsnes saman med Øyvind sine foreldre, Ingvild og mamma, det var kjekt å vere saman på julekvelden, sjølv om det var vemodig at pappa, Einar, ikkje var der. Vi hadde fine romjulsdagar både på Larsnes og i Ulsteinvik, med tid til venar og familie, samt ein liten visitt av orkanen Dagmar. På bilete under kan ein sjå litt av Damar sine herjingar på Vatne!

På nyåret har tida gått med til mykje skulearbeid for min del. Eg måtte ta opp att eit par eksamenar, og har hatt praksis i snart 8 veker på ei demensavdeling på ein sjukeheim. Den siste eksamenen er faktisk i morgon, og då roar ting seg forhåpentlegvis ned. Øyvind lever det rolege studielivet med litt jobbing, skule og husfaraktivitetar, han er foressten ein svært flink husfar!

Ellers kan eg meddele av pusen lev det søte katteliv, og er ein svært snill og sosial katt. I skrivande stund ligg ho å søv på kjøkkenbordet, på ein haug rekningar og skulebøker.

Til slutt kan vi røpe, for dei som ikkje har fått det med seg, at vi skal på bryllupsreise i sommar! Turen går til fantastiske Malaysia! Der skal vi bade, sole oss, padle i kajakk, sjå apekattar og chille i tre veker! Vi har allereie bestillt oss eit hotell der vi skal vere nokre dagar, linken finn du: her! Vi kjem sjølvsat til å vere flinke med hyppige oppdateringar under turen, så ikkje fortvil!

Fred og kjærleik frå 

Då var vi endeleg gift!

Det har gått tre månadar sidan vi vart mann og kone, og vi storkosar oss som nygifte!
Dagane flyg avgarde med studier, jobb, KRIK og vennar! Eg starta på sjukepleie no i haust, og Øyvind tok til med siste året på lærarutdanninga, i tillegg jobbar han mykje på ein barneskule.

Julie og Sondre var brudepike go brudesvein!

Bruda er ein smule trøtt og nervøs! 

Fantastisk situasjonsbilde!

Forelska par ;)

Nyare oppdatering

Som de alle veit, har den siste månaden vore svært spesiell for oss. Einar døde 5.juni, og vi har hatt ei tøff tid både før, og ikkje minst, etter dette. Det er mange følelsar og opplevingar som må bearbeidast og snakkast om. Vi er heldige som er ei stor familie, der vi er mange som kan støtte kvarandre. Einar sitt minne skal vi ta godt vare på, og vi skal dele det med mange!

Ikkje minst var Einar oppteken av at livet, det går vidare uansett. Våre liv går vidare, og med det går også bryllaupsplanlegginga vår vidare. Vi er heilt ubeskriveleg glade for at vi kunne ha velsignelsen i kyrkja i mai, der også Einar kunne ta del. Den festdagen kjem vi til å ta med oss vidare i livet som eit heilt spesielt og dyrebart minne. Samstundes ser vi også no framover mot 13. august, som vert ein annleis dag enn vi kanskje hadde tenkt då vi tok til å førebuingane. Likevel ser vi veldig fram til å kunne feire denne bryllaupsdagen vår ilag med alle de kjære gjestane våre.

I forrige veke var alle i familien på tur ilag til Side i Tyrkia, der fekk vi ti til å vere ilag og nyte gode dagar saman!

På dagen etter bryllaupet vil vi invitere alle som har lyst til å kome inn til hytta ved Vatnevatnet i Ørsta. Der vert det restefest/etterpålag/sommaridyll! Hytta på Vatne er ein kjærkomen plass for oss, og det er ikkje reint få aktivitetar ein kan bedrive der! Vi kan nemne; kajakkpadling, segling, båttur, fisketur, minigolf, soling, bading (både i vatnet, elva og i badestamp), hesteskokasting, luftgeværskyting, kaffedrikking, kakeeting, sosialisering og mykje anna moro!

Ei lita oppdatering

Vi er midt oppi ei tøff og vanskeleg tid, der bryllaupsplanlegging og blogging ikkje akkurat har hatt fyrsteprioritet, men no har vi fått sett av litt tid til ei lita oppdatering.
Einar, far til Kamilla er for tida svært alvorleg sjuk av kreft. Det er no over to år sidan han fekk påvist spredning frå kreftsjukdommen han hadde for seksten år sidan. Vi har i lang tid vore optimistiske og Einar har vore innom fleire typar behandlingar som har fungert, men berre i ei begrensa tid. For nokre veker sidan fekk han påvist endå meir spredning, denne gongen til m.a hjernehinna, og legane på sjukehuset har ikkje fleire behandlingar å kome med.

Vi bestemte oss difor å feire bryllaupet på forskot, slik at også Einar kunne vere med på ein festdag ilag med alle dei næraste i familiene våre.

Laurdag 7.mai hadde vi ei velsigning i Ulstein kyrkje, der vi ikkje gifta oss "på ekte", men forma på det var som ein vielse, der vi hadde ein forbønsdel for oss to og for situasjonen, istadenfor ekteskapsinngåing. Alt vart planlagt på fredag, dagen før, og trass i kort varsel var det mange slektningar frå begge sider som kunne kome å vere med i kyrkja. Det var veldig viktig og kjekt for oss. Ida Etnestad, som også skal vie oss i august, var prest også denne dagen. Vi hadde ein flott festdag, og det som kanskje var størst av alt; Einar fekk fylgje Kamilla opp kyrkjegolvet og gje henne vidare til Øyvind.

Etter vi hadde vore i kyrkja var det festmiddag på Geileneset der alle dei næraste i begge familiene var samla, og hadde det kjekt ilag.

Sidan vi ikkje hadde alt papirarbeid i orden, vart vi altså ikkje gifte denne dagen, men vi trur no at vi er så forlova som vi kan verte! 13.august kjem altså framleis til å stå som bryllaupsdag, og denne dagen skal vi feire slik som vi hadde tenkt ifrå utgangspunktet. Det vil likevel vere viktig for oss å ha denne velsigningsdagen å sjå tilbake på når vi kjem til august.

Det ny-velsinga paret med foreldre